CONTOH CERITA RAKYAT SUMBAWA (TUTER SAMAWA)

what's up!!! lalala gua balik again setelah vakum sekian abad *gak denggg-_- ya abis nya ini blog udah lumutan berlumuran debu malah banyak gelandangan lagi nangkring . oke daripada banyak bacot gua mau share CONTOH TUTER SAMAWA  . buat yang pada belum tau apa itu tuter ,tuter ya bukan twitter :D . tuter itu cerita rakyat sumbawa , bahasa nya juga pake bahasa sumbawa. ada juga yang bukan dari cerita sumbawa, melainkan cerita cerita lain yang di terjemahkan dalam bahasa sumbawa, langsung aja guys!!!!

LALA BUNTAR(LALA BUNTE)

            Muntu jaman dunung ada kerajaan de besingin kerajaan silang,pang kerajaan nan kurang lebe 35 km ola timur samawa to pas pang kecamatan pelampang. raja silang ada anak dedara de balong benar idung mata de basingin lala buntar atau lala bunte. bua singin nan luk leng bapak ,leng jina gera lalo idung mata mara mengas bulan buntar.

            Selin ke gera lala bunte boto po ampo,sala sopo de bau ne nesek kre, hasil nesek lala bunte balong benar. ta bua singin lala bunte ya to leng serea tau desa lin.leng boto nya lala bunte , bua ya sayang benar leng bapak kaling ya beang mo hadiah tawa nesek kaling emas.

Ka menong rungan tentang lala bunte,peno benar taruna-taruna anak raja de sate baketoan bau ya senikah lala bunte nan.kaling ada sopo ngano raja silang datang sepida-pida temue ada ade datang kaling kerajaan pulau samawa sampe pang luar samawa.sarea temue nan datang baketoan,nan de pina raja no to luk mengkuda-kuda,de lebe-lebe ne sarea temue nan rengkeng serea sate baketoan ,suasana de ka tone riyam remuk dadi panas sampe-sampe ada de saling tantang sate basengal.

Kamo to nan luk, raja silang buya cara melok setenang suasana, kaling raja silang selis mo pengkeling luk nonda pengeneng temue nan srea de ya terima ataupun ya tolak,leng ya alo rembuk nung ke srea keluarga ke lala bunte ampo,raja eneng waktu seminggu tawa barembuk nan.

Petang mula barembuk mo eneng mo melok sate lala bunte, ampa rasate lala bunte lin ke sarea keluarga nya sate bilin kerajaan nan maksudnya ne bau na ada de basengal apa no monda nya pang kerajaan nan.

Rasate lala bunte no mo bau garu ke berat ate srea keluarga ya lepas mo lala bunte.marang nawar lalo mo lala bunte bilin kerajaan ya bilin ina ke bapak.lala bunte lalo ko pang de nonda tau bau sangedo diri kaling tau nan sarea,pas lalo engka ya kelupa alat nesek de kaling mas na.

Pang tenga ola mikir lala bunte lok melako nya lalo sebelo ola masi bau ya to rua leng tau. Kaleng ya suru mo serea pengawal ngantang, teris pina setompok batu ke tana. Setompok batu nan ka ya bentuk yang unter. Pang tenga setompok batu nan ada mo pang pates lala bunt eke serea pengikut. Pang bao setompok batu nan ka ya pina bongkang tawa lala bunte ke serea pengikut de ada pang dalam nan bau beriak. Salah sopo pengikut tetap patis pang luar nan. Nan de ya suru tawa datang ete pekakan kaleng istana kerajaan.

Sopo bulan le , lala bunte pang dalam nan ampa nomonda tengkela nya ke serea pengikut. Kaleng tukang antat makanan mikir mo luk lala bunte kam mate pang dalam unter nan. Teris bongkang de ada pang poto unter nan ka ya tutup kaleng ya pina kubir pang bao. Sampe to kubir nan bau tu ingo pas pang bao unter , lebe kurang 5KM kaleng pang desa pamasir kecamatan pelampang.

Ka kadu dua kali kubir nan sate ya bongkar leng tau de sate ete mas de ya bawa leng lala buntar ke serea pengikut, tapi tetap nobau. Serea tau de kasate ete pasti ya dapat bala. Ujan rea mo, gunter mo ke sarea macam de merang-merang.

UA MRE

Ada sopo ngano ,Ua Mre singin lalo mo nganyang ke tamase. de selaki nan lalo kenang sapu alang ke pabasa jinga. Pang deng nan Ua Mre selengkap diri kea lat nganyang , ada mo tear , poke , berang ke badi dangan gigi. Ampa nasib sial kena leng Ua Mre , nonda dapat sopo sopo mayung .

Ano ko ano ya lewat,Ua Mre no mongka mole mole kaleng nganyang. Sanak keluarga serea boe mo kebingung. Sampe serea tau buer terutama desa tarusa turret kebingung.Kaleng ya alomo buya me pang Ua Mre. Sarea tau desa tarusa , kalabeso ke jurumapin lalo nuret buya Ua Mre pang sekitar Tamase. setiap ano sarea buya Ua Mre.

Kam le akhir ya dapat mo Ua Mre ampa kam dadi mayit. Mayit Ua Mre ya dapat muntu tokal pang bawa puin rea.Nonda tau to melok bau ka mate Ua Mre. Nonda ya e dapat bakat pang serea prana.

Tapi mara leng berungan  luk ka mate Ua Mre leng ka peno lalo kenang pien.Kaleng saat nan pang ola ,sarea tau tau  de ka pang berenang bawa mayit Ua Mre e sempina besetan.Sampe pang Tiu Rantok kokar Dope. Kadang ada tau desa de ka ingo Ua Mre turen kaleng unter. Tau desa sempina Ua Mre kamo beruba jadi jin parentok Tamase.

Jin ta kadang muncul sengingo diri kaleng ya e sapa sarea tau de lewat pang nan.Ada sopo ngano ada tode kaleng desa juru mapin besingin ado , lalo buya jaran lako tamase. dalam kenyamanpang ola tamase engka ya pato ada tau kenang lamung khas samawa ya sapa ado nan.

            “hoy ode-ode. Ola kau e…!” leng de selaki kenang lamung samawa nan.

            “kalepas jaranku…” leng ado nongka sadar ,tapi saat nan nan po ka to diri lok nya muntu betemung ke tau no to rua de no lin siong tau apa dean  Jin.

Ado ketakit benar, teris ka belari ulik mole lako jurumapin. Kaleng sampe bale langsung ka tri saket ado , le benar ka sakit. Lamen desa taruna no monda seda apa apa kadang tau desa menong mo seda rantok , sedan an datang kaleng tiu rantok pang ola ka bawa mayit Ua Mre.

Seda rantok nan kemenong sampe poto olat jalangu kaleng sampe desa tarusa

  

KELO NDE ASU

            Mengas matano Pak Tani alo ko uma bawa bingkung kemas kamoyang, “Ya ku alo gita keban tinum ku, sai to nawar ya ku panen mo” nan ling ate Pak Tani.

            Tapi napat mo pang keban tinum……….. Pak Tani luar biasa kemelas. Pato pato bua tinum pang keban boemo rusak serea.

            “Aidaaaa !!! Sai ka serusak keban tinum ku ta, kuba bua harus ye serusak, lamin sate ete ba ete mo mang aku nosoka ku ubik”.

            Ngering ate Pak Tani mole ko bale. Mikir Pak Tani kira binatang apa de beri tinum ta. “Haaa..... pasti Nde Kancil” beling dalam ate Pak Tani.

            Marang nawar Pak Tani buya akal kenang bau Nde Kancil, teris ye pina mo satakit pang keban tinum.

            Marang rawi satakit nan jura mo, ye alo mo bawa ko keban tinum teris ya pasang.

“Ku to si Nde Kancil binatang licik, pasti ye cela satakit ku ta…. Anti mo ndi mu rasa aee…..” mikir Pak Tani.

            Tutu ampa, waya petang Nde Kancil datang ko keban tinum Pak Tani, malah ketawa licik Nde Kancil ingo satakit lenge nan. “Satakit lenge-lenge ta, sai po ketaket”.

            Ampa ya seliwat menan si ling Nde Kancil, teris ya kakan bua tinum de masi uda-uda. Ampa nosoka peno de kakan ling Nde Kancil, ka telu bua teris ka besir. Ke ampo nosoka ya serusak tinum lin.

            Puas kakan tinum ya dampi satakit nan ling Nde Kancil, les mo jahil Nde Kancil ye sepak sepak satakit nan ke ne angkang.

            “Aidaaa !!! kuda bua lekat deta !” kemelas Nde Kancil.

            “Woy satakit lenge, lepas ne ku nee lamin no ne yak u sempelek kau ampo !!!”

            Ba tentu mo satakit nan tedu. Nde Kancil ye pukil mo ke ima sopo.

            “Tepookk !” sial pee, ampa-ampa ka telakit sedua ima pang satakit nan.

Perekat de ka olo ling Pak Tani pang lamung satakit nan kuat ampa, Nde Kancil no bau selepas diri, sebelo petang nangis Nde Kancil.

            Marang nawar jaga benik nan, Pak Tani datang bawa pemukil.

            “Ampa ka sia si ampa Nde Kancil ya ku bau sia nah!”.

            “Nde Kancil ooo Nde Kancil, Sia kakan mo tinum kaji tapi na serusak bua lin gina”. Ngare Pak Tani ngeneng tulung.

            “Eneng ampin Pak Tani ee, siong aku ka serusak tinum mu, paleng ka ku kakan dua lamin no telu bua bae si” ling Nde Kancil.

            No ya sadu ling Pak Tani, kaleng ya tali korok Nde Kancil bawa mole ke bale Pak Tani. Dapat bale, Nde Kancil ya setama dalam korong ayam.

            “Ta nya batu berat ya kaji sengenat bawo korong, nosi bau sia lepas diri sia, ya kaji alo ko amat beli bumbu sate”. Ling Pak Tani setakit Nde Kancil.

            “Ampin ku Pak tani, na sejadi ku sate !” Ngare Nde Kancil.

            Alo mo ko amat Pak Tani, datang mo Nde Asu ko pang Nde Kancil.

            “Owee Nde Kancil meluk ka bau tama ko dalam korong gina?” Beketoan Nde Asu.

            “Aee, ka no mu to ke?” Ramalas Kancil beketoan.

            “Bada ku gina ka kuda?”

            “Ta luk Su, sate sejadi ku nantu ling Pak Tani, bua Pak Tani na alo ko amat ya beli ku lamung balong ke pekakan de nyaman”.

            “Wee engka cocok kau Cil ee, perana mu ode ampo, dikin aku ganti mu jadi nantu Pak Tani”. Beling Nde Asu.

            “Heee… nyambek mu, alo mo kona kona ee Asu”.

            Nde Asu ngamuk, “Cil, lamin no mu roa kena ganti to, batu pang bawo korong mu ma ku surung teris ya ku sit korok mu sampai rotas”.

            “Waa na nanluk gina!”

            “Roa apa no?”

            “ao terpaksa ku turit ling mu.”

            Ya seteri mo batu nan ling Nde Asu sampai kebuka korong Nde Kancil. Nde kancil les, tama Nde Asu dalam korong.

            “Selamat mo ya mu jadi nantu Pak Tani, Nde Asu ee!” Beling Kancil teris belari.

            Jura nan mole Pak Tani. Pak Tani teria sampai belong otak ya gita Nde Kancil de ka ada dalam korong kuda bau jadi Nde Asu.

            “Assalamualaikum mentua.” Beling Nde Asu. “Kancil ka beang ku koasa jadi calon nantu sia Pak Tani ke saya Nde Asu de gera nonda dua ta”.

            “Teris… mepang Nde Kancil nan?” ketoan ling Pak Tani

            “Owee kam alo ko tenga tua Pak Tani ee!”.

            “Sate mu jadi nantu ku?”

            “Iyee Pak Tani”. Beling Nde Asu ke kemas kamoyang.

            “To les dalam korong mu, teris tokal ke kemas kamoyang sambil sepedam mata mu, ta ya ku alo kelek anak dedara ku ko dalam bale nung”.

            Nde Asu betari ke rua kemas. Remalik mo Pak Tani, tapi siong bawa anak dedara tapi ka bawa pemukil.

            “Ta nya hadiah tawa mu!”, keserak Pak Tani sambil ya pukil otak ke bangkang Nde Asu.

            “Ampeeeeenn…… Pak Tani !!!!!”. keserak Nde Asu jina kengering teris belari bawa su’ apa ka kelo ling Nde Kancil. “Tari mo kau Kancil,lamin ku ketemong ke kau, ku sit benar kau sampai mu ngeneng ampin !!!!!!!!!!!!!!!!!!!!!!!!!!!!!!!!!!!!!”

            Nde Kancil kamo belari kaleng tone nan, tapi ling ka lao pelangan Nde Kancil kaleng nongka le dapat ling Nde Asu.

            “Weeee kam sala ampa, Nde Asu adamo pang bungkak,” ling Nde Kancil dalam ate.

            “Oooo, harus lema ya ku besio deta.”

Nde Asu ngamuk benar apa ka kelo ling Nde Kancil, sude ka pukil ling Pak Tani, Nde Asu teris ka alo apan Nde Kancil.

            “Woy Kancil, tari ku ma ku semate kau!”

            “Eeh? Kuda bua mu ngamuk, kau si ka sate ganti pang ku sate jadi nantu Pak Tani”. Beling Nde Kancil sambil belari.

TAMAT

oke guys segitu dulu ajaaa yaaa ;)